نكت

jjffhouyou : salam fi mountada elborouj تاريخ التسجيل : 31/12/1969

امرأة رئيس الوزراء، اتصلت بزوجها وقالت له : يمكن عندنا شفار في الدار. جاوبها: العجب، مع العلم ان كل الوزراء حاضرين عندي في الاجتماع....

قالك هذا واحد بركاني كان يدور في وجدة وخلط عليه شفار على غفلة ودالوا البورتابل وهرب. بركاني بدا كيجري موراه ... حتى قالولوا اصاحبي راك متقدرش تقبضوا راه سريع بزاف رد عليهم اودي مسكين نسى شارجور .

هذوا جوج صحاب ديما معاكسين مع بعضياتهم قال واحد نمشيو للقهوة قال صاحبو لا نمشيو للمطعم دار ليه خاطرو قال ليه تاني ناكلو الكفتة قال لا ناكلو الدجاج دار ليه تاني خاطرو أو كلاو الدجاج واحد المرة بغاو إمشيو للحمام قال نمشيو للحمام الشريف قالو لا نمشيو لحمام الدكالي دار لو خاطرو أومشاو لحمام الدكالي أو مني خرجو قال ليه نشربو عصير الليمون قالو لا نشربو الحليب طلع ليه الدم أو قتلوا أو جاو البوليس أو حققوا في المقتل تاعو أو معرفوش شكون لي قتلوا الصباح تم غادي في الكنازة ديالو أو بلعاني بارك إي بكي عليه مني جاو إدفنوه وحلوا معاه إهبطو راسو طلع رجلوا إهبطوا رجلوا طلع إدو وهكذا أو نقز صاحبو أو قال ها علاش قتلتوا

هذا واحد المعلم قال للتلاميذ غادي نطرح عليكم سؤال أو اللي ماجاوبنيش غادي إعطيني 50درهم أو اللي سولوني أو ماعرفتش غادي نعطيه 100درهم

نقز واحد الكسول قال للاستاذ أشنو هي الحاجة اللي عندها 100000000 رجل قال ليه الأستاذ ماعرفتش هاك 100 درهم إيوا أشنو هي؟

الكسول رد عليه حتا أنا ماعرفتش هاك 50درهم

هادا واحد أستاذ علوم الحياة و الأرض مجنون بغا يدير واحد المحضر مع التلاميد نتاعوا شد مشة(قطة) قطع ليها رجل الأولى أو قال ليها أجي عندي المشة جات أو عاود قطع ليها رجل الثانية أو قال ليها أجي عندي المشة جات أو عاود قطع ليها رجل الثالثة أو قال ليها أجي عندي المشة جات أو عاود قطع ليها رجل الرابعة أو قاليها أجي عندي ماجاتش أو هو يقول:و الآن نستنتج أن القطة عندما نقطع جميع أرجلها تفقد حاسة السمع

هدا واحدالمعلم قال للتلاميذ ديالو كتبوا لي انشاء على مقابلة فكرة القدم واحد الكسول كتب ليه"نظرا للأمطار الغزيرة تأجلت المباراة

وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

هدا واحد راجل شاف كلشي تيتزقرم هو يقول فراسو حتا أنا نبد نتزقرم , هو يشري 5 لتر من زيت البلدية و بغا يساليها ف 5 سنين
بقا هكاك دازت 5 سنوات و هو يساليها مشا فرحان لقهوة تيقول لهم "ساليت 5 لتر ديال زيت ف 5 سنين"

هو ينقز واحد قاليه "وايلي أصاحبي وخا تكون تتسيق بيـــــــــه

هدا وحد مغريبي غال لواحد شينوي ضربني و نضربك ,غال ليه واخا -
جا شينوي ضربو ولمغريبي سخف يومين .فاش فاق غال لوه شنا درابتيني غال ليه
frape coup
جات نوبت مغريبي ضاربو و هوا يبقا فكوما عام .غال ليه شينوي شنو ضرابتيني غال ليه
kmg
غال ليه كيفاش هادشي جاوبو: كلامونيت ملوي في جورنال

واحد السبيطار ديال الحماق خرجوهم لشانطي باش يشوفوا شكون اللي دار العقل قالوا ليهم للي تلقا لشي طونوبيل نعطيوه طريف ديال ماروخا كلشي كيتلقا لطونوبيلات و كيتشتت واحد بقا كيروغ على الطونوبيلات قالوا هدا مول العقل سولوه علاش كيروغ عليهم قاليهم كنتسنا شي رموك باش ندي باكيا

غال ليك هدا واحد ربح مليار في لوتو غال اجي نشارجي يماها كولها في تيليفون عايت ل 555 جاوباتو خايتي : رصيدكم الى يوم القيامة......

هذا واحد لعروبي شرا موطور 103 أو شفروه ليه .مشا عاوتاني شرا 103 آخر أوشفروه ليه ..من بعد مشا ديكلارا عند البوليس أو قاليهم شفرو لي 206

هدا راجل شرا حولي قبل من لعيد بعام ولفو عليه مالين دار. مني قرب العيد مشا لحولي عند الراجل فال ليه بابا امتا هاتجيبلنا لحولي

قال ليك هدا واحد سكران طلع الطوبيس و هو يقول السلام عليكم , و حتى واحد مجاوبو , وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال , و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال

قال ليك هذا واحد العزوة مشا يشري ستيلوا ( قلم ) حكل جربوا فييدوا ردوا لمول المكتبة قال ليه ماكيكتبش

شخص جمع كل أواق المطبوعات للمرشحين لكل الأحزاب وكلما دخل للحمام ينادي زوجته

فاطما أري شي مرشح

هادو جوج صحاب مدمنين على الكحول (الشراب)
واحد النهار واحد مرض بمرض السرطان و من بعد 5 أيام غدي يموت
وقال لصاحبو الى مت عود شرب فبلاسطي
وبقا هداك ديما كيدي جوج قراعي دياول الشراب و جوج كسان
واحد النهار دا كاس و قرعة و سولو مول المحال قال ليه مالك اليوم مشي كيف عادتك؟
قال ليه راه انا عفا عليا الله راه كنشرب غير فبلاسط صاحبي

+هدا واحد الدري مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )

واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة

هدا واحد 2 كيدبز 1 كيقول دب صبح و2 كيقول ليل مشاو سول واحد حمق قالوليه دب صبح ولا ليل قاليهم مسكانش فهاد حي

نوكيا او الكاتيل دايرين رانديفوا نهار الاحد اديري شي دويرة في حي البورتابلات

الاحد جا الكاتيل مي نوكيا ماجاتش

الكاتيل تقلق نهار التاني نوكيا جات

قال ليها الكاتيل انت وصلاتني خبارك نتي كاتخونيني مع سوني اريكسون

قالتليه

و حق الريزو اللي بنتنا الى كونت كان تشارجا

محشش كا تمدح فيه خطيبتو كاتقوليه:انت بطل شجاع وفارس الفرسان
قالها : فراسك واش كنت شهيد فحرب الاستقلال

قال لك هادو جوج قردات.....وحدة عندهاالزهر و وحدة ماعندهاش ....ديما كايمشيو لواحد جنان ديال البنان باش ياكلوه ....كاطلع القردة اللي عندها الزهر تقطف و الاخرى كاتبقى التحت حاضية فين ما كيجي مول الشي كايلقى ختنا اللي ماعندهاش الزهر التحت كايشبع فيها عصا....هاكدا حالنا حتىلواحد النها اللي عندهاالزهرقالت الاخرى....هانتي ..باراكة عليك شوية من العصا هاد المرو انا نحضي و انت طلعي ...صافي هي هاديك ..ما جا غير مول الشي باش يضرب القردةالي لتحت و هو يقول ليها ....................لا لا انت قتلتك عصا بركة عليك غادي نطلع لهاديك البرهوشة اللي لفوق

قليك هدي واحد المعلة في محاربة الامية قالت لواحد المرة عطني شي جملة فيها حرف الضاض قالت ليها :

مال الضاوية مضاضة مع ضرتها اعطيها الضر

واحد مغربي مشا لاسبانيا.. جاه الجوع مشا لواحد لبسري قال ليه دوس كوميروس دوس طورورس هاهاها ( جوج كوميرات جوج بقرة ضاحكة

هادا واحد عندو الدجاج و كيوكلهم القمح و الشعير و واحد الملرة جاو عندو البوليس و قالو ليه اش كتوكل لدجاج ديالك قا ليهم القمح... قالو ليه مزيان ناس كيموتو بالجوع و انت كتوكل... سلخوه و جاو عندو مرة اخري و قالو ليه نفس السوال قال ليهم الزبل و الوسخ--حاشاكم-- و قالو ليه بغيتي تمرد الناس سلخوه تاني مزيان المرة التالتة قالو نفس السوال قال ليهم كنعطيهم اللفلوس يشريو بوحدهم هههه