قالك هذا واحد الرجل فقير مسكين تاهمو واحد الغني قاليه راك شفرتي ليا الفلوس وداك الفقير ماشفر والو مسكين
المهم داك الغني ديكلارا بيه فالكوميساريا ، هوا يجي البوليسي عند داك الفقير هوا يقول ليه ، علاش شفرتي لداك الغني لفلوس ؟
قال ليه والله ما شفرت ليه شي حاجة ، هوا يضربو البوليسي بطرشة هوا يقول ليه قول الصراحة ،هوا يقول ليه الفقير
بغيتي نقول ليك الصراحة :
غادي تمشي واحد خمسة ديال الدريبات دريبة الأولى ، دريبة الثانية ، دريبة الثالتة ، دريبة الرابعة ، دريبة الخامسة .
تما غادي تلقا خمسة دشانطيات ، الشانطي الأول ، الشانطي الثاني ، الشانطي الثالت ، الشانطي الرابع ، الشانطي الخامس .
غادي تلقا تما عمارة فيها خمسة طاج ، الطاج الأول ، الطاج الثاني ، الطاج الثالت ، الطاج الرابع ، الطاج الخامس .
تما غادي تلقى خمسة ديا البيوت ، البيت اأول ، ابيت الثاني ، البيت الثالت ، البيت الرابع ، البيت اخامس
غادي تلقة في البيت الخامس ماريو فيه 5 طبقات ، الطبقة الأولى ، اطبقة الثانية ، الطبقة الثالتة ، الطبقة الرابعة ، الطبقة الخامسة .
تما غادي تلقى صندوق فيه خمسة ديال الصنيديقات ، الصندوقة الأولى ، الصندوقة الثانية ، الصندوقة الثالتة ، الصندوقة الرابعة ، الصندوقة الخامسة .
تما غادي تلقى القرآن ، جيبو ليا نحلف ليك بيه والله إيما سرقت ليه شي حاجة
موضوع: نكت 
الثلاثاء 17 يونيو - 17:12