نكت

jjffhouyou : salam fi mountada elborouj تاريخ التسجيل : 31/12/1969

واحد الأستاذ سول التلاميذ ديالو أين يوجد الذهب؟ جاوبو واحد الكسول قال ليه: في إيد الواليدا

دعاء محشش: اللهم اجعل رمضان ككأس العالم كل أربع سنوات و كل دورة في بلد

واحد لمرا سولت راجلها قالت ليه: إلى متت شكون هذي ألي غادي تعطيها حويجي, قال ليها: لا هي طول منك

واحد لمرا قالت لراجلها: واحد الإعصار دمر مدينة في ميريكان في 5 الدقايق, هو يقول ليها: شوفي راسك اللي كتديري في غسيل الماعن 3 السوايع

واحد يالاه كي حاطو الكار, قال في رسو آجي نعيق على المدينيين. مشا عند مول الزريعة قال ليه: واش عندك مسكة أديداس, مول الزريعة حتى هو مفروح كتر منو قال ليه: شحال كتلبس في دلقوشك

هذا واحد تلفت ولا خيزو

هذي واحد الذبانة كانت كتفرج فالتلفازة هو يجي الإشهار ديال مبيد الحشرات تخلعات أو مشات كتجري عند الباها هو يقول ليها: ياك قلت ليك ماتبقايش تفرجي في أفلام الرعب

واحد 15 يوم ما داق النعمة, كان ناعس هو يحلم براسو جالس في وليمة أو كياكل, فاق الصباح لقى راسو واكل النص في لمخدة

واحد الطلاب دق على واحد الدار خرجت ليه بنت صغيرة هو يقول ليها: واش عندكم أبنتي شي خبز, قالت ليه: أمي ما عجناتش ليوم, قال ليها: شي كاس ديال الماء, قالت ليه: الماء عندنا مقطوع, هو يقول ليها: ملي أيجي الباك قولي ليه يجي يطلب معايا

واحد لحول بغا يصبغ دارو صبغ دار جارو أو جارو حتاهو حول أكتر منو جا هو قول ليه : بصحت الصباغا

واحد صيغ الموطور أو شاعل الضوء, سولوه علاش شاعل الضوء بالنهار, قال ليهم: ما كنشوفش مزيان

واحد السيد نعس معطل لقى لحلمة باديا

واحد السقرام بغا يصبغ دارو صبغ النص أو كتب إلى آخره

واحد البناي بغى يضحك معا صاحبو ضربو بياجورة

واحد الولد قال لمو:الواليدا شي 20 درهم باغي ندور جوباتو قالت ليه: هاكا 10 دراهم أو سير نيشان

واحد الحولي شافا وجهو في لمرايا هو يقول : مشي حتا يتذبح هاذ الزين

هاذا واحد السيد بغا يتسنط لعضامو لقاهم داوين فيه

واحد الولد قال لمو: فيقيني غدا مع 6 الصباح, سولاتو علاش, هو يقول ليها: باش نفطر

واحد الراجل دخل ليه مسمار في رجليه أو وصل ليه حتى العصبة, مشى عند الطبيب, قال ليه الطبيب: خاصك تدير الأشعة والتحاليل ب16 ألف ريال, فجوبومول المسمار قال ليه: قطعوا أو خليه تما

واحد السقرام ماتت ليه الأم ديالو خشاها في الفريكو حتى مات الباه أو دفنهم بجوج

واحد الراجل ديما كيوقف في جنب السوق أو كيرمي السنارة في السوق, سولو واحد السيد قال ليه: علاش كترمي السنارة في السوق؟ قال ليه واش عنك بعدا شي 20 درهم؟ هو يعطيها ليه, هو يجوبو على السؤال قال ليه: كنرمي هاد السنارة باش نصيد لكوانبا بحالك

واحد المعزة شافت وجهها في لمرايا هي تقول : حرام يشيط هاذ الزين العتروس

هاذا واحد الراجل داز هو أو مراتو من حدا واحذ الخياط هي تول ليه مراتو: عجبني هاذاك القفطان اللي معلق هو يقول ليها: واخا دابا نولي نجيبك تشوفيه

واحد الراجل ديما كيدخل لدارو أو كتبدا عليه مراتو ( آرا,آرا,آرا,آرا,آرا...) واحد النهار هو يقول ليها بغيتك غا شي نهار تقولي ليا هاكا, كانت شادا في إيدها طارو ديال الزبل أو هي تقول ليه: هاكا

واحد لمرة شادا في إيديها كتاب محاربة الأمية أو هي تسمع مول جافيل كيغوت جافيل أو هي تهبط عندو, بقات كتحتت معاه , طل عليها راجلها قال ليها: طلعي فحالك, قالت ليه: وش ما بقى حد يوقف معا ولد قيسمهم

هاذي واحد لعصا دارت الريجيم ولات قلم الرصاص

واحد السيد سول واحد الراجل قال ليه: وش مرتك حية, قال ليه: ألا لفعة, هو يقول ليه كنعني واش مرتك عيشة, قال ليه: ألا فطيمة

واحد البناي بغى يضحك معا صاحبو خلاه حتى دخل الكابينة هو يبني عليه حيط

قال واحد الحلاق للزبون ديالو: كيفاش بغيتيني نحسن ليك فجوبو قال ليه: بلى هدرا